حدوتة كانتي افضل لاعب في العالم

الكورة مبقتش ملعب وحكام ومدربين ومجرد فريقين بيتنافسوا، بالعكس لأن القصص دي كلها بقى ليها حكايات وروايات محدش كتير يعرفها.

وعلى فكرة في لحظات صعبة كتير بتمر على النجوم اللي بنحبهم ميحسش بيها غير المشجعين بجد خصوصا بتوع مدرجات الدرجة التالتة.

حكايتنا انهارده عن بطل العالم مع منتخب فرنسا نجولو كانتي، كانتي شاب فرنسي من أصول مالية، عاش طفولة صعبة جدًا، طفولة كانت قادرة تنهي عليه قبل ما يبدأ من الأساس، كانتي والده توفى وهو عنده 11 سنة، وفي ظروف مالية طاحنة .

هيعمل أيه كانتي الشاب الأسمر الصغير؟ كانتي قرر يكبر قبل أوانه ويتحمل المسؤولية، أشتغل وهو عنده 11 سنه جامعًا للقمامة والنفايات وبيعها لشركة تدوير القمامة، كان حلمه يكون لاعب كرة قدم، كان بيمارس الكرة اللي بيحبها في الشارع ومستني الفرصة في الوقت اللي كان فيه بينتقل من شغلانه للتانية عشان يقدر يساعد ماليًا في بيته ..

كانتي كان بيقول لنفسه إنه عنده هدف واحد شايفه قُدامه، وهو إنه عايز يكون لاعب كرة قدم، ألتحق بالعديد من الأكاديميات؛ لغاية ما حصل على فرصة حقيقية في 2010 وأنتقل لنادي في الدرجة التالتة في فرنسا أسمه أبولون، وعلى الرغم من إنه واجه صعوبات في بداية مشواره مع النادي، زي صغر حجم جسمه إلا إنه كافح للحصول على الفرصة لغاية ما جت اللحظة الحاسمة في مسيرة كانتي ..

في 2013 كانتي تلقى عرض من نادي كان الفرنسي، ونادي كان من أشهر الأندية الفرنسية، وافق كانتي على الفور، وقدم أداء ولا أروع مع كان، وبعد سنتين أنتقل للدوري الإنجليزي أقوى دوري في العالم ولعب لنادي ليستر سيتي ..

كانتي سطر تاريخ عظيم مع ليستر سيتي، كانتي قاد ليستر لتحقيق لقب الدوري الإنجليزي لأول مرة في مسيرة النادي، وصنفته الصحف والمجالات إنه أفضل لاعب وسط في العالم، وبعدين لعب لتشيلسي الإنجليزي وخد معاهم الدوري الإنجليزي ودوري أبطال أوروبا ..

بالإضافة لإنجاز عظيم مع منتخب فرنسا وهو التتويج بكأس العالم 2018، كانتي تحدى الظروف وبقى بطل للعالم! ..

حاليًا كانتي صاحب الـ30 عام مُرشح لجائزة أفضل لاعب في العالم، كانتي قد يكون الأفضل في العالم رغم الطفولة الصعبة، كانتي قدم قصة كفاح تُدرس، بالعظيمة والإرادة صدقني تقدر تنجح زي كانتي